За нас

Туристичката агенција САВАНА е организирана во пет сектора: авио резервации и билети, сектор за организација на патувања и хотелски резервации во земјата и странство, сектор за трансфери и транспорт, сектор за Travel info и web администрација, како и дирекција со сметководство.

Секторот за организација на патувања и хотелски резервации во земјата, е препознатлив по добро организираните програмски дестинации, како и програми направени според желбата на групите и индивидуалците. Овој сектор обезбедува сервисни услуги за странски туристички групи и индивидуалци кои ја посетуваат Македонија или балканскиот регион обезбедувајќи им хотелскo сместување, трансвери, разгледи, водичи и други услуги. Горди сме што успеавме да го реализираме сето ова дури и за време на политичката нестабилност на Балканот во периодот помеѓу 1992 и 2001 година.

Секторот за продажба и резервација на авио билети, има добро подготвен персонал со меѓународно искуство, како и искуство стекнато во агенцијата од 1990 година па се' до денес. Сите вработени имаат IATA сертификат во своето досие, вклучувајќи ги и сертификатите за работа со програмите Amadeus и Galileo. Сите тие се спремни да ви ги понудат најдобрите опции за вашите летови, за чија резервација, цени и ред на летање можете бесплатно да се информирате во нашата агенција.

Секторот за транспорт, обезбедува трансфери за возила од најразличен капацитет, со професионални возачи: автомобили до 3 патници, комбиња до 6 патници, минибуси до 15 патници, како и автобуси до 49 патници.

Во 1990 година, САВАНА започна да работи со две вработени лица, а денес во неа постојано се вработени 13 редовно вработени лица. Во досегашниот период на своето постоење, со исклучиво пазарна ориентираност во работата, САВАНА успеа да оставри просечна годишна продажба од преку 5.000 авионски билети, како и продажба и реализација на повеќе од 20.000 аранжмански пакети во летувања, зимувања, или групни и индивидуални патувања.

Од 15.Февруари 1995 година, Туристичката агенцијата САВАНА стана постојана членка на меѓународната асоцијација IATA, со регистарски број: 76-3 2014 5.
САВАНА е исто така и основач и член на ATAM (Aсоцијација на туристичките агенции на Македонија), како и еден од основачите и членови на Стопанската комора за Туризам на Република Македонија. Со свое учество во органите на управување, САВАНА е активна и во Туристичкиот сојуз на град Скопје, како и во Туристичкиот сојуз на Република Македонија.
Според важечкиот Закон за Туризам од 2003 г. и последните измени од 2008 година, САВАНА поседува "А" лиценца за Тур-оператор, доделена од Министерството за Економија на РМ, како и полиса за Осигурување на одговорност од дејност, на вредност до 100.000 EUR.